Watsattsaken watayawar walwalin-waliyon wariyar wuccikewar wa-ka-ci-ka-tashi (2)

Murqusun manhajar makaransuwa na tattare BURGAR BAGUN BARAGADAR BANKAURAR BARANKADAMAR BANKE BOBON BOKOKON BIRTANIYA BALLANTANA BIRNIN BAMAKO. Na kuma tabbatar da wannan almurin al’amarin alamarar almuru ne yayin da wata ‘yar dugwi-dugwi da ke kai-kawo a farfajiyar koyon watsattsaken a ajin rangajin rainon makarantar tsaunin gwagware da ke birnin Dabo ta koka da cewa, ‘an ba ta aikin ajin gada-gadar gudun gida, mai wahalhalun wulqitawar walankeluwa.’ Da na yi wa darasin duban dubarudu, sai na fasko cewa, ai JIDALIN JADDAWALIN JARRABAWA aka ce, ta fitar ba tare da an baje mata ALQALUMAN AYYUKAN AJI da na GIDAGIDAN GWAJE-GWAJE ba. Kuma daidai lokacin da ’yar ajin raino ta koka da qullaqullar sasarin sarqaqiyar aikin manya-manyan malumman makaransuwa, sai kuwa na iske ana ta taqaddamar takunsaqa tsakanin DODANNIYAR DODODO-DODODON

DODON DODORIDO da wata malama kan lallai ta zo ta fitar jimmilar jam’in jarrabawar xalibanta, waxanda ta qi jinqa musu sakamakon qwazon qwarewarsu a xaukacin ayyukan da aka yi musu, a wajen ninqayar nunin nusarwa a farfajiyar koyon watsattsake da falle wagagen littattafai.

Haqiqa zaburar zabarin zomon zakwaxin zumun zumuntar zumuxin zaman zamani ta haifar da bobon bokokon bututun burtuntunar horon hoririyar hululun huntu, wadda ke ta tarnaqin turnuqun tangayatun tumar tumun tuntun sunqurun sunqin sunduqin sautu. Sannan ga kasassavar kassara karatu da hargowar harxe havar acici-acicin accar acava, tare da kwaramniyar kwavar dumuiniyar dudufniyar dangwali yava yava- yava. Wannan ne dai ya sa ake ta aringizon zazun zuwa gundumar gida-gidan gizogizo, ga gadar gizon kazo-nazon doron dandamalin dandalin dandazo. Don haka ake ta fama da gurnanin gungunin ganiganin farfajiyar fayyace fannoni.

MKusan kullum sai an shiga muku-mukun makonni, a tsakiyar tsinkayar tsororuwar tsaunin tsibirin tsinin tsanani. Shi ke nan sai a qarke da gyaregyaren girar gashin warwasa washin wuqaqen davurin durfafar dashishi, a kantakaryar kasafin kashin hautsinin hatsaniyar hutsancin haushin tarin tumbin tambayoyin Tambai; da taga-tagar tunkuxo tabbai, har a yi ta kwaramniyar kwamacalar kwashe kwabbai, mai mamakon mutsu-mutsun motsin mutsuttsuke matsabbai. Shi ya sa sai a yi ta jimurxar jayayyar ja-in-jar jadadda jawabai.

Kafin a samu faskekiyar fahimtar fafutikar fama, tuni an afka cuwa-cuwar camamar dumuiniyar dama-damar dungun danne dunun dama. Saboda haka ayyukan aji da darussan dawurwurin dajin kame-kamen kyarkyarar kaji sun zama qullin qudirin qululun qurjin qiriniyar qin jin qumaji. Haka dai ake ta hargitsa harshen harasan qaqale-qaqalen qadangaren qandare qusar tavarar turnuqun tumar tusa, don jin daxin babban bodarin bambamin busar duddugar dusar dasisa. Ga shi babu abin da ake ta tsuwurwurtawa illa koyi-kakoyar ko kwaikwayi-ka-karkatar, a sabon salon wautar wadaqar wurgin wahalhalu wurjanjan wajen watayawar wayon wariyar wawa.

Malumman makaransuwa masu manhajar muskutawar mahangar makonnin martaba matattarar muku-mukun murqushe mamakon matsalolin mutane na ta walwalin wanzuwar wanzaman watangaririyar wartsakewar wa-ka-ci-ka-tashin wuccikewar walwalin-waliyon walankeluwar walqice-wulqicen wulwulawar wassafa watsattsaken watayawa. ’Yan makarantar Dodorido a kan shorido, kun dai ji xibgin ximbin dalilian da suka sanya ake ta aika-aikar alamun allunan allin jaddawalin jerangiyar jidalin falle-fallen feleqen faskeken fi’ilin harigidon haukacewar hankali da dagedagen dabgen damalmala dankali.

Shin haka za a yi ta kai-kawon kassara karatun ’yan dugwidugwi a qasar nan, babu mai cewa, “UFFAN?!” To hattara da assasa asarar fallen faskaren fassarar dagar dawurwuwin darar dudufniyar dira da’irar arangamar alkafura. Ko kuna jin kira; da bari-barin jinkirin jira, tattare da dakon dakon aurar harabar hallarar hirar takun tawayar tanqwara?

Mun gaji da kai-kawon karafkiyar karatun kusu da maganganun musun birgimar busu-busun carin caccakar carin carkin cilkowar casun wadaqar wasi-wasin wasu-wasu.

Mafificiyar mafitar makaransuwa, ita ce, samar da qwararrun direbobin alli, waxanda za su iya aje komai a gurbinsa. Su kuwa

MAKARUNLUMMAN MAHUKUNTA,

waxanda gama-garin gungun mamakon mutane ke kai-kawo, su ma suna fama da WATANGARIRIYAR WATSATTSAKEN WASSAFA WADAQAR WATAYAWAR WAHALHALUN WALWALINWALIYON WALANKELUWAR WARIYAR WUCCIKEWAR WA-KA-CI-KA-TASHI. Lamirin lamarin larurin lura dai shi ne, mahukunta mutane da xaukacin al’umma ba sa zuba na-mujiya. Shi ya sa aka bar komai kara zube. Sannan duk da kwavar da na fasko ana tafkawa a MAKARANSUWA, haqiqa mafi yawan rukunin

MAKARANSUWA, sun fi

MAKARANLUMMA ingancin

KOYI-KA-KOYAR. Lallai a yi wa tufkar hanci, domin ‘da zafi-zafi kan bugi qarfe!’

Ni dai na ja na zomonku. Don haka sai a himmatu ka’in da na’in wajen kyautata manhaja, don janye jimurxar ja-in-jar lanqwashe-lanqwashen lafcecen leven lahajar baje batutuwa buguja, babu basaja. Daga nan sai samun sararin sauqin sunce sasarin sunduqin saqonni sunqisunqi, har a yi ta murmushin mutsuttsukar mummuqin taune-taunen tattaki taqi-taqin tattalin tarairayar tallar daddale darussa dalla-dalla. Kuma a zo a fayyace faskekiyar fahimtar fannoni fala-fala, tare da zazzage zantuka zalla, har a hau doron watsattsaken wargaje wahala. Mahukunta masu makamar fatattakar fagen fama, da zarar kowannenku ya samu dama, a kafa sanssanin samun salama, tare da yasar da uzurin indaindar amma-amma.